Distroet eo an US Konk-Kerne e trede rummad e fin ar bloavezh diwezhañ. Pad ur bloaz 'oa bet gwelet "Les Thoniers" e Lig 2. Ar wech kentañ 'oa d'ar c'hleub renet gant Jacques Piriou en em gavout 'ba ul live gant skpailhou a-vicher. Alies 'vez diaes ar bloavezh goude bout diskennet d'ur rummad d'egile. Memestra 'neunt komanset paotred Konk-Kerne o bloavezh mat kaer. 12 krogad 'neunt c'hoariet hag 'ba eil plas eus ar renkadur emaint! Deomp da selaou Alan Troadeg zo e karg eus gwerzhañ ar billhidi eus gwiskamantoù ar c'hleub. Emañ gant Erwan Blanchard.

Pevar devezh ha tregont zo da c'hoari en holl evit mont beket fin ar bloavezh ha klask distreiñ d'al Lig 2. Ar c'hrogad kentañ e kampionad National 'vo d'ar gwener 22 a viz Du. Mont a raio US Konk-Kerne da c'hoari ouzh Boulogne 'ba hanter noz Bro-C'hall. Met etretan e vo ar Vretoned o klask gounit o flas e Kip Bro-C'hall 'benn disadorn 'ba Saumur ouzh an Olympique zo e National 2.