Kinniget gant Gwenvael Delanoe.

Paeroniet 400 gwezenn avaloù da sikour an ti-feurm

Warlene e oa bet skoet bras sistrerezh Rozavern e Terrug gant ar gorventenn Ciaran, koulz hag amezeg ar feurm a zo mager-gwez (pépinièriste, e galleg). Evit gallet adlañsañ o stalioù o deus kavet 500 den evit paeroniñ bep a wezenn avaloù. Plantet e vint en ur park nevez 'benn bloaz, evit erlec'hiañ ar 400 gwezenn a oa bet diskaret gant ar barr-amzer. Met dav e vo d'ar broduerien sistr gortoz ugent vloaz araok na c'hellfent produiñ kement a avaloù hag ar pezh a zastument araok Ciaran. Muioc'h a zisplegadennoù gant Jennifer Skouarneg, eus sistrerezh Rozavern.

Ur strollad muzik hengounel hag elektronek

Abadenn gentañ ar strollad nevez-flamm Ilieù a zo bet disul. Dibabet eo bet gant Arhtmael Giraudon hag Antoine Scaviner lakaat war wel kolektajoù kozh e brezhoneg gant sonerezh elektronek. Displegadennoù gant Arhtmael.

Komzet e vo ivez eus :

• Elon Musk lakaet ez-ofisiel en gouarnamant Donald Trump

• Prosez Marine Le Pen hag ar Front National

• 12 000 a bostoù labour a vo kollet e BZH e bed an ekonomiezh sokial ha kengred

• Harzet 'zo bet ur penn-bras eus ar stourm sokial en Martinik

• Bagoù ar Vendee Globe o tostaat doc'h Maroko