Kinniget eo bet ar c'heleier ar mintin-mañ gant Metig Jakez-Vargas

Ur fest-noz evit skoazell ar falc'herien OGK

Disadorn noz e oa kantadoù a dud 'ba Sant-Kadou evit ar fest-noz a vez aozet bep bloaz gant kuzul skoazell ar Falc'herien. Ar pal eo rastellat arc'hant evit skoazell ar stourmerien d'en em zifenn p'en em gavont dirak al leziou-barn 'blamm d'o obererezhiou… Muioc'h a displegadennoù gant Jil Kilevere, falc'her OGK anezhañ. Emañ gant Erwan Blanchard.

Distroet eo an US Konk-Kerne e 3de rummad mell-droad e fin ar bloavezh diwezhañ

'Pad ur bloaz 'oa bet gwelet an tonerien pe "Les Thoniers" e Lig 2. Ar wech kentañ 'oa d'ar c'hleub renet gant Jacques Piriou en em gavout en ul live gant skpailhou a-vicher. Alies 'vez diaes ar bloavezh goude bezañ bet diskennet eus ur rummad d'egile. Memestra o deus komanset paotred Konk-Kerne o bloavezh mat kaer. 12 krogad o deus c'hoariet hag 'ba eil plas eus ar renkadur emaint! Deomp da selaou Alan Troadeg zo e karg eus gwerzhañ billhidi ar c'hleub. Emañ gant Erwan Blanchard.

Ha da glevet ivez er c'heleier :

- Ar C'hop29 evit an hin a zo loc'het dec'h e Bakou e Azerbaidjan

- Sec'hor spontus a zo e Guyana abaoe penn kentañ miz Here

- Embannet en deus Pedro Sanchez muzulioù nevez da heul an dourioù-beuz e Valencia

- Votet e vo hiziv lodenn an enkefiadoù er budjed 2025 gant ar Parlamant

- 150 den o doa manifestet dirak ti-kêr an Oriant dec'h a-enep ar besketerezh industriel