Dec'h da noz 'oa un emvod etre renerien uzin Marine Harvest ha dilennidi bro Garaez. Kadarnaet o deus e vo serret an uzin da vogediñ eog ha dluzhed a zo staliet 'ba Poullaouen abaoe 1968. Un uzin all 'ba Chateaugiron 'vo serret ivez. Muioc'h 'vit 400 post-labour a vo lammet 'ban afer. Kinniget 'vo da 5 micherour a 60 eus Poullaouen mont da labourat 'ba Landi. Poan 'deus an dud 'ba bro Poullaouen lonkañ diviz Marine Harvest Kritsen, peogwir 'vije labouret mat tre eno. Setu 'pezh 'neus laret Didier Goubil, maer 'ba Poullaouen, da Erwan Blanchard.