Kinniget eo bet ar c'heleier ar mintin-mañ gant Metig Jakez-Vargas.

Un devezh harz-labour a oa dec'h gant hor c'heneiled eus Frañs 3 Breizh...

Hag er redaksionoù rannvroel all e Frañs. Mil vrudet eo logo FR3 Breizh, padal emañ o vont da vezañ lemmet kuit gant pennoù-bras ar chadenn skinwel, evit ma vefe skrivet, pep lec’h en Frañs, ul logo « ICI ». N’eo ket a-du tamm ebet ar c'hopridi gant an diviz-se, o deus aon ivez na z afe war ziskar kalite ar servij publik skinwel dre vras. Chloe Tempereau ‘zo kazetennerez en FR3, ha dileuriadez en sindikad SUD, selaouomp anezhi.

Ouzhpenn 8000 rederez ha reder ‘oa war an hent etre Kastell-Pol ha Montroulez disul !

Gant an hanter varatoñ mil vrudet hag ar c’hours 10 kilometrad etre Taole ha Montroulez ‘oa ar milieroù a dud se. Ur gwir pardon eo evit darn eus ar sportourezed ha eus ar sportourien sur deoc’h. War al linenn loc’hañ, ‘ba Kastel, ‘oa Brendan. Ma oa ar wech kentañ dezhañ galoupat an hanter varatoñ ne oa ket ar wech kentañ dezhañ kemer perzh ‘ba Kastell Pol-Montroulez…

Gallout a reer selaou ar pennadoù-kaoz amañ

Ha da glevet ivez er c'heleier :

- 'Benn warc'hoaz e vo ur brezidantez pe ur prezidant nevez er Stadoù-Unanet

- Fuloret ruz eo tud Valencia gant ar mod m'eo bet meret an dourioù-beuz gant gouarnamantoù Spagn ha Valencia

- Digeriñ a raio prosez ramzel an afer Skouarneg e Gwened e miz C'hwevrer 2025

- Ne vo ket savet un uzin desevel eoged e Plouizi

- Kavet zo bet pevar pemorc'h-gouez marv e bae Hilion ar sizhun dremenet, e Aodoù an Arvor