Embannet eo an abadenn geleier-mañ gant Erwan Blanchard

Budjed Frañs 2025: dilennidi departamant 35 ha Roazhon meurgêr o vanifestiñ e tu-raok prefeti Breizh

Lakaet ‘oa bet Prefeti Breizh en gwerzh dec’h ! Dilennidi ekolojisted eus ar c’huzul departamant Isle ha Gwilen hag eus Roazhon Meur gêr ‘oa en em vodet dirak an Ostel prevez zo feurmet evit mann da Servijoù Stad Bro-C’hall ‘vit embann e c’hallfe bout gounezet 47 milion a euroioù o werzhañ ‘nañ. Ur mod da lakaat war wel ar raktres zo da grennañ an arc’hant ‘zo da vout roet d’an ensavadurioù lec’hel. Emañ gouarnamant Bro-C’hall renet gant Michel Barnier en soñj espern 60 miliard a euroioù e 2025 gant efedoù drastus evit an ensavadurioù lec’hel ‘vel an departamantoù… Setu pezh ‘neus displeget Olwen Denez, kuzulier departamant Isle ha Gwilen gant an Ekologourien, da Erwan Blanchard.

Gwareziñ an natur gant Wakan Douar 'ba Bro-Vigouden

Daou vloaz zo e oa bet krouet ar gevredigezh Wakan Douar e bro Vigoudenn. Fellout a ra d'he izili kizidikaat an dud war gwareziñ an natur, diorren al labour-douar bio pe c'hoazh ar sevel tiez ekologel. Ur seurt trede lec'h pe « tiers lieu » war ar maez eo. Krouiñ a-stroll, deskiñ ha treuzkas gouiziegezhioù a vez graet eno. Warlene e oa bet aozet eno ur staj war micherioù an treuzkemm ekologel evit an dud yaouank o deus poan gant ar skol. Ouzhpenn da-se e vez meret daouzek devezh-arat gante e Kerhastel, e Plouneour Lañwern. Marie-Christine Plouzenneg, a zo ezel eus Wakan Douar. Kontet ‘neus hiroc'h diwar-benn ar raktres-mañ ouzh mikro Metig Jakez-Vargas.

Ar pennadoù-kaoaz a c'haller selaou amañ

Da selaou ouzhpenn er c'heleier:

- Glaveier puilh 'ba Bro-Valencia

- Korfou divroidi beuzet kavet maez da aodoù an hanter noz

 - 233 000 a euroioù goulennet gant Parlamant Europa gant Marine Le Pen

- Ret e vo espern 400 milion a euroioù gant Assurañs an dilabour

- FC Barcelona 'ban Naoned fenoz da genver Champion's League Hand paotred