Kinniget gant Gwenvael Delanoe.

Ne vo ket ken-ofisiel ar C'hreoleg en Martinik

Strollegezh tiriadel Martinik he doa votet evit ken-ofisielaat ar c'hreoleg war an enezenn e miz Mae 2023, nebeud warlerc'h al lidoù e koun fin ar sklaverezh war an enezenn. Nullet eo bet an diviz-se gant ar justis c'hall nevez zo. Muioc'h a zisplegadennoù gant tangi Louarn eus Kevre Breizh.

Diorenn ar Bio

Devezhioù diskar-amzer al labour-douar bio a zo bet un nebeud devezhioù zo, an 19 hag an 20 a viz Here en Oriant. « Galvadenn An Oriant » a zo bet skrivet neuze diwar kinnig ar gevredigezh Bio consomm’acteurs evit reiñ lañs en-dro d’ar boued biologel, yac’hus, ha reizh. Aodren Trehin a ya da lâret hiroc’h deomp.

Embannet eo bet program Yaouank

Setu ofisiel eo, Embannet zo bet programm ar festival Yaouank dec’h gant Kemo Veillon rener arzel ar festival Yaouank. Ar bloaz-mañ e vo dalc’het ar festival etre an 8 hag an 23 a viz Du, e Roazhon hag er parrezioù tro war dro. Klozet e vo ar festival gant ar fest-noz bras, e Sal ar Frankiz e kreiz kêr Roazhon. Kemo Veillo a lâro dimp piv ha petra vo...

Kaoz e vo ivez eus :

- ar brezel en Gaza hag el Liban, lec'h m'eo bet lazhet tri c'hazetenner

- palioù Ajañs an Dour Liger-Breizh

-prefed nevez Aodoù an Arvor