Kinniget eo bet ar c'heleier ar mintin-mañ gant Aodren Trehin

Ur park naturel rannvroel nevez a zo e Breizh !

Goude park Arvorig, hini Morbihan hag hini Briver eo bet savet Park Naturel Rannvroel Traonienn ar Renk – Aod an Emrodez. Ar park-mañ a vodo c’hwec’h kumun ha tri-ugent e Biz ar vro, en o mesk Dinan, Dinarzh ha Sant-Maloù. Un disoc’h a-feson evit an dilennidi lec’hel o deus labouret àr ar raktres abaoe 2008. Muioc’h a ditouroù get Anton Burel …

Ar festival Deus’ta a vo a-benn nebeudig amzer e Brest

D'an 2 ha d'an 3 a viz Du e vo dalc'het ar festival Deus'ta er Gapusined. Gouel sevenadur Breizh he doa sachet tro 28 000 arvesterien-ezed ar blez paset. War al leurenn e vo tro-dro 60 soner ha sonerez : ar strolladoù Tekmao, Hamon Martin Quintet, Barokistania, Emezi... Met buhezet e vo ar Gapusined e-pad daou zevezh gant c'hoarioù hag animañ a-bep seurt ivez. Kristina Jégou, kenbrezidantez ar festival, a ginnig programm ouzh mikro Maëlys Poublanc.

Gallout a rit selaou ar pennadoù-kaoz amañ

Ha da glevet ivez er c'heleier :

- Votet o deus ar Moldaviz evit emezelañ an Unvaniezh European

- Kop16 ar vevlieseurted a zo dalc'het e Cali e Kolombia abaoe dec'h

- Gwerzhet eo bet an embregerezh Opella a brodu an Doliprane

- Distro eo an eko-taos, e Alsace ar wezh-mañ

- Fellout a ra da Fabrice Loher e vefe digoret pleg-mor Gwaskogn a-hed ar bloaz en dro adalek 2027 d'ar besketerezh

- Kastizet en deus prefed Penn-ar-Bed ur produer bleunioù er vro Vigoudenn