Festival Blues an daou stêr
Sonerezh Blues a vo klevet en Bro Dreger ‘d’an dibenn-zhun-mañ, gant Festival Blues an Daou Stêr, ‘zo aozet en Benac’h hag en ostalerioù ar vro. Jessie Lee and The Alchimists, Sweet Marta and the shakers, Cek Franceschetti and the stompers… Sonerezed ha sonerien ampart a vo war al leurennoù, degadoù a vluesmen ha blueswomen o tont eus broioù all en Europa, met ivez eus Breizh. Hag e vo kemeret perzh en darvoud gant koñversanted ar vro, evel ‘pezh ‘vo lâret dustu gant Awen Prigent, ‘zo pouder ba Benac’h, ha « mouezh-aotret » en brezhoneg ar festival.
Muioc’h a ditouroù a gavit war lec’hien internet festival-blues-bretagne.fr, peotramant o pellgomz da di an douristed e Benac’h. Evit ar re a blija dezhe an dañs : ur stal dañs swing ‘vo d’ar sadorn da 11eur, digoust, met ret eo pellgomz en a-raok evit mirout ur plas…
