N’eus ket kalz a verc’hed ‘zo ‘ba penn bagoù, memes ma zo muioc’h-mui anezhe o tont a-benn da dapout ur plas uhel e bed ar vartoloded. Enora Person ‘zo en o zouez, ha daoust d’an diaezamantoù eo deuet da vezañ kabitenez an Atalante, ur vag skiantel a vez implijet gant an Ifremer. Un teulfilm a ‘zo o vezañ savet diwar-he-fenn ar mare-mañ, gant Pauline Le Peculier. Ar sevenourez ‘zo bet o veajiñ kalzig war-vor, hag evel ma vo displeget ganti diouzhtu, eo un tamm a-drugarez da se ‘doa bet ar c’hoant da sevel ur film war plas ar maouezed war ar bagoù.

Hag evel just ouzhpenn bruderezh a vo en teulfilm Pauline Le Peculier, ‘zo bet o klask kompren perak ‘zo dizingalded etre ar baotred hag ar merc’hed, ha perak eo diaesoc’h ar striv ‘zo d’or evit dont da vezañ kabitenez ur vag. Goude bezañ bet filmet pep tra, emañ ar sevenourez o vont da grog ‘barzh ar frammañ. Ha pa vo achu, e vo skignet an teulfilm war Frañs 3, ha moarvat ‘ba Sant-Loup, e-lec’h m’emañ Enora Person o chom.