50 a gumunioù e departamant aodoù an arvor o deus mouezhiet un diferad-kêr evit rediañ ar stad da lakaat e plas ur boliterezh evit saveteiñ sistem ar yec’hed en Aodoù an Arvor, evel-se e vo ret d’ar stad paeañ 1000e a gastiz bemdez betek ma vo diskoulmet ar mankoù a zo ba’ servij publik ar yec’hed. Evit poent eo talvoudus an diferad ba 6 kumun Trogeri, Sant Laorañs, St Kae Perroz, Kêrber, Logivi Plougras ha Pederneg. 2 viz en deus ar prefed evit nagenniñ an diferad met neus lavaret netra padal ‘neus goulennet gant Maer Roc’h ar Yeodi tennañ an diferad, pezh a nac’h ar maer. E mesk an diskoulmoù a zo bet menneget en diferad ez eus degemer medisined Kuba. Da gentañ penn e oa bet goulennet e Gwengamp gant Gael Roblin, pezh oa bet asantet gant Otto Vaillant Kannadour Kuba er stad c’hall, met kumunioù all o deus goulennet … medisined evit an ospitalioù ‘giz e Karaez ha mezeien hollek ‘giz e Goven ‘kichen Roazhon. Selaouomp diouzhtu kannadour Kuba Otto Vaillant …

Ur pennad-kaoz gant Anton Burel