Gweladenniñ kastell ar Roc'h-Ugu e Bro-Dreger!
Ul liorzh eus ar vravañ, ur c’hastel kozh gant ur sell bammus doc’h traoñienn an Trev… Kaoz ‘zo eus kastell Roc’h Ugu, en Treger, evel just. Perennet eo gant departamant Aodoù an Arvor, hag ez eus tu d’an holl mont da bourmen el lec’h brav meurbet-se. Daoust ma n’eo ket bet skrivet c’hoazh an displegadennoù en brezhoneg war ar skritelloù, evit ar wech kentañ ‘vo moien klevout anezhe en brezhoneg, dispaket gant Salome Rouart. Gwenvael Delanoe ‘zo bet o weladenniñ ar c’hastel asambles ganti, en Ploezal, nebell eus Pontrev.
