Perak eo ken barrek tud Jamaika en atleterezh ?
E-pad an dibenn-sizhun eo loc'het da vat an amprouennoù atleterezh er c'hoarioù Olimpel. Evit ar wech kentañ abaoe ugent vloaz n'eo ket aet ar vedalenn aour er c'hant metrad gant ur Jamaikan eus tu ar baotred hag ar merc'hed, daoust m'eo aet an eil plas gant Kishane Thompson evit ar baotred er sprint. Met berzh o deus graet memestra Rajindra Campell e lañsañ pouezh (trede plas ar baotred), Shanieka Rickets en eil plas el lamm tripl evit ar merc'hed.
E Jamaika e ra berzh spontus ar redadegoù tizh, dreist-holl ar 100m ha 200m, muioc'h evit ar mell-droad zoken. Hag an darn vrasañ eus ar medalennoù bet gounezet gant ar vro-se, 87 medalenn diwar 88 medalenn bet gounezet en holl er c'hoarioù olimpel gant Jamaika memestra, a zo medalennoù atleterezh !
Selaouomp Melena Helias, kazetennerez war ar sportoù a zo o chom eno abaoe meur a vloaz.
