Kinniget eo bet ar c'heleier ar mintin-mañ gant Metig Jakez-Vargas.

Jamaika er c'hoarioù Olimpel

Ar c'henstrivadegoù atleterezh a grogo 'benn warc'hoaz hepken ha gortozet-tre eo ar mare-se gant ur vro vihan : bro Jamaika. Eno e ra berzh spontus ar redadegoù, dreist-holl ar 100m ha 200m, muioc'h evit ar mell-droad zoken. Hag an darn vrasañ eus ar medalennoù bet gounezet gant ar vro-se, seizh medalenn ha pevar-ugent diwar 88 medalenn bet gounezet en holl er c'hoarioù olimpel memestra, a zo medalennoù atleterezh ! Selaouomp Melena Helias, kazetennerez war ar sportoù a zo o chom eno abaoe meur a vloaz.

Selaouit an holl pennadoù-kaoz AZE

Ha da glevout ouzhpenn er frapad keleier-mañ :

- Digoret en deus ar justiz israelian un enklask a-enep da nav soudard evit bezañ gwallgaset ha gwalet ur prizoniad palestinian

- Lazhet eo bet penn bras an Hamas, Ismaïl Haniyeh

- Lazhet zo bet un den gant ar polis e bro Venezuela e-pad ur vanifestadeg a-enep da Vaduro

- Miliadoù a dud o deus manifestet e bro Serbia dec'h a-enep d'ar raktres mengleuzioù litium

- Embannet en deus Emmanuel Macron souten Maroko ha ket Aljeria diwar-benn emrenerezh Sahara ar C'hornôg

- Astennet e vo reolennoù an asurañs dilabour betek an 31 a viz Here

- Kement a sportourezed hag a sportourien a zo er c'hoarioù olimpel evit ar wech kentañ