Kinniget eo bet ar c'heleier ar mintin-mañ gant Metig Jakez-Vargas

Kannaded emrenour breizhad tal ouzh tal ouzh ar strolladoù all

‘Ba pempvet pastell-vro Morbihan emañ Pol Molac o kabaliñ ‘vit klask bezañ dilennet kannad ur pevare gwech eus renk. E-kerzh ar resped diwezhañ e oa enskrivet Pol Molac gant ar strollad Liot er Vodadenn Vroadel. ‘Benn disul en em gavo an emrenour breizhad tal ouzh tal ouzh nerzhioù an tu dehoù, an RN ha ouzh an tu kleiz gant Talbenn nevez ar Bobl. Ha n'eo ket bet dibabet eñ gante ‘giz danvez kannad evit an dilennadegoù-mañ...Un tamm sell gantañ war ar prantad kaballiñ, ouzh mikro Erwan Blanchard.

Arzourien.ezed bro an Oriant a-enep an RN

En Oriant e kemer perzh an arzourien hag arzourezed er prantad kabaliñ ivez...En em vodet e oa sindikalourion ha sindikalourezed bed an arvestoù a-enep da bolitikerezh ar gouarnamant da geñver ar sevenadur. Rak breskoc’h breskañ eo bed an arzoù, 'blam d’an troc’hoù e budjed ar sevenadur. Ankeniet int ivez da geñver kresk an RN en dilennadegoù kannad. Ha kaset o deus ul listenn goulennoù d’an dud war ar renk e 6vet pastell-bro ar Morbihan. Ar pal a zo gouzout soñjoù ar bolitikourion war bed an arvestoù ha lakaat tem ar sevenadur e kreiz divizoù an dilennadegoù… Selaouomp Guillaume Thierry komedian sindiket e SFA, sindikad gall an arzourion jubennour...Un atersadenn get Yuna Kojan.

Ha da selaou ouzhpenn er frapad keleier-mañ :

-Lazhet zo bet pemp den e bro Kenya gant ar boliserien dimeurzh e-pad ur vanifestadeg a-enep d'ar gouarnamant

- Daoust hag e vo tizhet ur rekor ar brokulajoù disul en dilennadegoù ?

- Serriñ a raio an uzin Saupiquet e Kemper

- Kondaonnet eo bet Alexandre Bennala d’ur bloaz toull-bac’h hep goursez ha daou vloaz war-gondision

- Goulonderet he defe Marion Marechal kefioù ar strollad Reconquete araok kuitaat anezhañ

Selaouit ar pennadoù-kaoz AZE.