Evit Kuzul Sevenadurel Breizh emañ ar sevenadur en danjer! 

Setu danvez an destenn a zo bet embannet get Kuzul sevennadurel Breizh goude o emvod e Roazhon a oa dalc'het ar sizhun dremenet.  Gervel a ra ar c’huzul da votiñ ouzh an tu dehoù pellañ e dilennadgoù ar gannaded vo ar suhun a za.  Labourat a ra Kuzul sevenadurel Breizh war an holl sujedoù a zo tost da identelezh ha kultur Breizh…. Da laret eo war ar glad, an douristelezh, ar sportoù hag ar yezhoù evel just. Just awalc’h e vehe lakaet en arvar ar yezhoù bro ha minorelaet ma vehe an tu dehoù pellañ e penn Bro-C'hall pe gant ar muiañ-niver er Vodadenn vroadel. A-bouez eo bet d’ar gevredigezh sevel ar galv-sen. Selaouomp Tifenn Siret, ezel eus Kuzul sevennadurel Breizh. Emañ gant Yuna Kojan.

Ankeniet eo Alan Stivell evit dazont Breizh ha dazont ar brezhoneg

N’eo ket ar bolitikourien zo izili eus strolladoù politikel a c’hall kemer perzh ‘bar pranatd kaballiñ hepken. Keodedourien ordin pe c’hoazh arzourien a gemer ar gaoz er mare mañ evit reiñ o soñj ha perak ket lakaat an dud da brederiañ… Setu ar pezh en deus bet c’hoant ober Alan Stivell araok an dilennadegoù lezennel a vo dalc’het d’« an 30 a viz Even ha d’ar 7 a viz Foenn-Gouere. Kaner, soner ha stourmer evit Breizh hag ar brezhoneg eo Alan Stivell abaoe muioc’h ‘vit 60 vloaz… Ankeniet bras gant ar chenchamantoù politikel a c’hallfe c’hoarvezout ‘benn un tammig nebeutoc’h ‘vit teir sizhun ‘ba Bro-C’hall…. Emañ gant Erwan Blanchard.

Ar pennadoù-kaoz zo da selaou amañ amañ

Da selaou ouzhpenn er c'heleier

- Tomm an nozvezh 'ba Noumea warlerc'h e vefe harzhet Kristian Tein (CCAT) ha dek stourmer all

- Displeget e vo gant Talbenn nevez ar Bobl penaos e vo arc'hantet o frogramm politikel bremaik.

- Ha digoret e vo en dro servij an trummadoù eus noz en Ospital Lannuon.

- Kreskiñ ar gproù hag anken gant strategiezh stroll Ouest-France... Dec'h 'oa ul lodenn eus an impijidi gant un harzh-labour.

- Audrey-Cordon zo kampionez Bro-C'hall ar c'hours war velo ouzh an eurier.

Embannet eo bet ar c'heleier gant Erwan Blanchard.