Nann d'ar mengleuzioù traezh 'ban Arwerneg-Veur!

Un dibenn sizhun stourm zo bet en Arwerneg-Veur ‘kichen Kastell Briant, ar festival Fin de Carrière ! Etre digwener ha disul ez eus bet aozet a bep seurt darvoudoù, prezegennoù dreist-holl … diwar-benn ar raktresoù maengleuzioù traezh en Arwerneg-Veur, Saoudan hag all. Ur pemp kant a dud 'zo deuet en darvoud-mañ en o mesk Jean Claude Raux a oa Depute ar pastell vro betek an disolvañ hag a zo war ar renk e anv talbenn ar bobl. Echuet en deus an dibenn-sizhun gant ur vanifestadeg betek al lec’h e fell d’an embregerezh Pigeon, sevel ur maengleuz traezh. Er fin o deus plantet tan en un traktor pal savet e koad evit diskouez o enebiezh d’ar raktres maengleuz traezh. Dilerc’hioù spontus e vefe evit an endro hervez ar stourmerien ekologour, selaouomp Arzhur a zo ezel deus ar gevredigezh Le Cri du Bocage de Soudan. Ur reportaj gant Anton Burel.

Gouel ar sonerezh zo dalc'het en a-raok 'ba Kentreg !

Gouel ar sonerezh a vo dalc'het digwener un tamm pep lec'h b'ar vro koulskoude eo kroget evit parrozioù zo dija. E Kentreg e Bro Roazhon e vez dalc'het ar gouel Les Excintriques un tamm a-raok Gouel ar Sonerezh Roazhon. A-hed an endervezh ez eus sportoù a bep seurt 'giz paledoù, handi badminton pe roller, ha diouzh noz e c'haller selaou strolladoù sonerezh ar gumun pe e tro war droioù, pe vije sonerezh rap, rock pe un dj set, a bep seurt a zo. Un doare eo ivez evit an annezidi reiñ buhez b'ar bourk, selaouomp Cédric hag Azenor a zo a-youl vat er gouel Les Excintriques ... Emaint gant Anton Burel.

Ar pennadoù-kaoz zo da selaou amañ

Da selaou ouzhpenn er c'heleier:

- 640 000 den o deus manifestet ouzh an tu dehoù pellañ er c'hwec'hkorn e-kerzh an dibenn-sizhun-mañ

- Tamm-ha-tamm e teu ur vuhez normal e Kanaki

- Emvod-meur ar peoc'h en Ukrenia a oa dalc'het e Suiss er week-end-mañ

- Bro-Soudan zo dindan un enkadenn spontus

-Mael Gouyette eus kleub Breizh-Uhel atle en deus gounezet e blas er C'hoarioù Olimpek war ar redadeg 1500 m