Breujoù Bro C'hall divodet

Ar Prezidant Macron en deus divodet ar vodadenn vroadel da heul trec’h an tu dehou pellañ e dilennadegoù Europa. Gounezet en deus ar Rassemblement National unan ha tregont skej pemp dre gant deus ar mouezhioù eus ar mouezhioù, pell bras dirag strollad prezidant Bro C’hall. A-gaoz da zivodadur ar breujoù vo aozet dilennadegoù an deputeed. An dro gentañ vo d’an 30 a viz Even, ‘benn ugent devezh neuze hag an eil d’ar 7 a viz Gouere. Dibaot ha ral tre eo an diviz-se e istor ar 5vet republik. Ar wech diwezhañ e oa e naontek kant seitek ha pevar ugent gant Jacques Chirac pezh noa degaset ur c’hoabitation ‘pad pevar bloaz. Selaoomp diouzthu Paul Molac zo kannaded justwalc’h, hag e ali war divodañ ar breujoù gant ar Prezidant Macron.

Ur pennad-kaoz gant Yuna Kojan

Dilennadegoù Europa evit ar re yaouank

An dilennadegoù european zo bet aozet dec’h e broioù an Unvaniezh Europa. Tud Bro C’hall a zo bet galvet da votiñ evit dibab 81 a euro-kannaded e parlamant e Strasbourg. Dreist-ordinal eo ar bloaz-mañ peogwir e oa ret dibab etre 38 a listennoù ! Yuna Kojan zo aet da welet an dud yaouank o deus votet dec’h : Thibaut ha Maï, anezidi an Oriant, Eflamm, prezidant ar Gerlenn Pondi, Loeiza en deus votet e Douarnenez ha Korantin, kenurzhier an UDB neus votet e Lann-ar-ster. Perak o deus votet ha petra dalv an dilenandegoù european hag an UE evito ? Hervez Thibaut, ur moaien eo votiñ en dilennadegoù european evit lakaat war wel ur strollad politikel er live broadel.

Ur pennad-kaoz gant Yuna Kojan

Degemer mat RC Gwened en Top 14 !

An huñvre a zo deuet da vezañ gwir evit skipailh rugbi RC Gwened ! Aet eo bet ar maout ganti e gourfenn Pro D2 enep Grenoble disadorn e Tolosa... 16 - 9  evit Gwened ! Ouzhpenn bezañ kampion Pro D2 ar bloaz-mañ e kresk RC Gwened e top 14 ! Ar Pro D2 eo al live dindan ar TOP 14… Da lâret eo vo Gwened e rummad bras hag uheloc’h ar rugbi ar sezon sportel a zeu ! Dreist-ordinal eo evit bed rugbi Breizh hag evit harperion hag harperezed Gwened evel just ! Zan Michat oa e Tolosa hag e oa evit heuliañ ar c’hrogad. An harper a heul ar skipailh abaoe ur bloaz, kontañ a ra deomp ar sezon dreist en deus bevet gant RC Gwened… Da skouer pa oa gounezet an hanter gourfenn gant e skipailh e stad Ar Rabine e Gwened.

Ur pennad-kaoz gant Yuna Kojan

Gallout a rit selaou ar reportajoù amañ

Da selaou ouzhpenn er c'heleier:

- Disoc'hoù an dilennadegoù european en Europa, e Bro C'hall hag e Breizh

- Lazhadeg e Rafah : Soudarded israelian hag amerikan a lazh 274 a balestiniz en un oberadenn evit dieubiñ prizonidi israelian e su bandenn Gaza.

Embannet eo bet ar c'heleier gant Anton Burel