Daou devezh harz-labour bras a oa bet graet gant skipailhoù France Television ha Radio France ar sizhun dremenet, diriaou ha digwener. Rak fellout a ra d'ar gouarnamant bodañ an daou strollad mediaoù-se, ar skinwel publik hag ar radio publik, dindan ur framm nemetken, war skouer ar BBC e bro Saoz. Ha kendeuziñ an div embregerez adalek ar 1añ a viz Genver 2026., evit kreñvaat anezho hervezh ar gouarnamant. Met kreñv eo an div embregerezh dija, 15 milion a dud a selaou ouzh radioioù Radio France bemdez da skouer. Un dañjer e vefe evit an demokratelezh hag evit emrenerezh ha dazont ar radio ha skinwel publik gall ha 1400 goprad ha gopradez eus Radio France o doa sinet ur sinadeg. Ne oa bet skignet abadenn ebet diriaou eus studioioù France Bleu Breizh Izel e Kemper ha keleier ebet digwener. Selaouomp Léo Rozé, a zo dileuriad ar gopridi e France Bleu Breizh Izel.

Léo Rozé, dileuriad ar gopridi e France Bleu Breizh Izel, a oa bet aterset gant Metig Jakez-Vargas.