Ar Redadeg a loc'ho eus Beg ar Raz fenoz!!

E beg ar Raz e Plougoñ eo e loc'ho ar Redadeg hiziv... an 9vet redadeg evit ar brezhoneg eo ! An arc'hant eostet gant an darvoud-se a servij da arc'hantaouiñ ar skolioù Diwan ha raktresoù all a venn diorreiñ implij hor yezh. Ar bloaz-mañ e oa kenaozet lid loc'hañ ar Redadeg gant Emglev Bro ar C'hab. Muioc'h a ditouroù diouzhtu gant Koulma Mingam, a zo ezel eus ar strollad-se.

Sant-Nazer klañv gant e industriezhioù, enklask nevez Splann!

Sell aze danvez enklask diwezhañ ar media dizalc’h Splann. Lodenn gentañ an enklask oa deuet er maez dec’h gante. Stank eo al labouradegoù kostez porzh Sant-Nazer ha ken stank all ar produoù pistrius ha dañjerus a zeu maez pe a vez stoket enne. Gant an enklask-mañ e splujer e donderioù toksek ar porzh da heul ar c’hazetenner Samy Archimède hag ar gazetennerez Itzel Marie Diaz. Dedennet int bet gant an efejoù war yec’hed al labourerien en uzinoù, evel ma lâr deomp unan eus kazetennerezed Splann. Ur pennad-kaoz gant Aliette Guinebaud ha Sarah Barnier, en staj en RKB, ar zun-mañ.

Nozvezhioù teatr etrevroadel e Brest gant Teatr Piba

Reiñ d’ar yezhoù minorelaet ur vouezh !!! Abaoe penn kentañ ar bloaz 2022 e kemer perzh Teatr Piba ‘bar raktres european « Phonë- Giving Minority langages a voice… Dre se ez eus degemeret ter gompagnunez Teatr gant Piba ‘ba Brest er miz mañ : Kvääniteatteri zo eus Norvej, Fibin eus Galway ‘ba Bro-Iwerzhon ha Tryater eus Leeuwarden ‘ba bro Friz ‘ban Izel broioù. Savet ez eus pezhioù c’hoari ganto. A-drugarez d’ar c’henlabour a live Europea e vo lakaet war wel c’hwec’h yezh en holl da geñver an nozvezhioù etrevroadel ‘ba Ti ar C’hoariva: brezhoneg, kven, gouezeleg, frizoneg, saozneg hag ar galleg. Muioc’h a displegadennoù gant Tomaz Kloareg leurenner a-vicher Teatr Piba. Emañ gant Pauline Daniel en Arvorig FM.

Ar reportajoù zo da selaou amañ

Ha da selaou ouzhpenn er c'heleier:

- Kanaki: kenderc'hel a ra ar stourm ouzh adkempenn ar mod da votiñ

- Savet ez eus un emglev tro dro d'an tu dehou pellañ evit evel ur gouarnamant en Izel-broioù

- Republik Bro-Iwerzhon zo en soñj anavezout ur Stad balestinian

- Devezhioù diwezhañ kampionadoù LIg 1 ha Lig 2 paotred a vo dalc'het e kerzh an dibenn sizhun mañ.

- Kanoe-Kaiak: Camille Prigent he deus gounezet div vedalenn e kampionad Europa e Slovenia.

Embannet eo an abadenn geleier gant Erwan Blanchard.