Birvilh a vo gant ar Redadeg e Bro-Gwened!

A-benn nebeut e komanso ar Redadeg ! Chom a ra pevar devezh e-raok al loc’hañ a vo e Beg ar Raz ! Da c’hortoz an degouezh e Montroulez e vo posubl redek war hentoù Breizh-Uhel ha Breizh-Izel ! Tremen a ra ar Redadeg dre vBro Gwened hag e Bro an Oriant d’an naontek a viz Mae, a-benn disul, neuze. Ouzhpenn redek a zo gant ar Redadeg. Ar pal a zo ivez lakaat war wel kêrioù ’zo ha plantañ brezhoneg just a-walc’h… Met ivez sevel festoù! Un tamm sell war ar Redadeg e Mor-Bihan geneoc’h, Yuna Kojan…

Krogad diwezhañ Stade Brestois a oa dalc'het digwener...

Paotred Stade Brestois o doa c’hoariet o match diwezhañ er ger evit al lajad 2023-2024. Siwazh n’o deus ket gellet gounit ar match ouzh Stade Reims : 1 da 1 sed aze an disoc’h. War un dro en deus kollet Brest an trede plas ouzh renkadur ha diskennet d’ar 4re hini, ur plas a gasfe memestra ar c’hleub da gemer perzh e troioù kentañ Champion’s League… Met n’eo ket dipitet an harperien kement se. Ur sapre gouel a oa bet aozet ganto a-raok ar c’hrogad. Lakaet o deus un ambians eus ar c’hentañ e sportva Francis-le-Blé a-hed ar match… Yann Fanch Kerneiz, harper SB 29, a oa war blas. Selaouomp anezhañ diouzhtu… Emañ gant Erwan Blanchard.

Ar reportajoù zo da selaou amañ

Da selaou ouzhpenn er c'heleier :

- N'eo ket kanakiz evit asantiñ ar chenchamant reolennoù evit gellout votiñ

- Lezenn "Russia": Manifestet e oa e tu-raok Parlamant Jeorjia dec'h adarre

- Komanset eo abred-tre lajad an tanioù gwall e Kanada

- Dek stourmer evit derc'hel an Ospital e Karaez zo klevet e komiserdi Kemper

- Dansoù Breizh a ya d'ober programm festival ar Sant-Loup e Gwengamp.

- Eric Roy (Stade Brestois), gourdoner gwellañ Lig 1 melldroad ar c'houlzad 2023-2024

Embannet eo bet ar c'heleier gant Erwan Blanchard