Tost achu eo ar PAPI e parrez Silieg.
Blez 'zo oa bet roet lañs d'ar labourioù evit sevel an ti-mañ. Ennoñ e vo tolpet un ti evit an dud kozh, ur sal animañ, hag ur MAM, evit ar skoazellerezed d'ober àr-dro ar vugale. Doujiñ a ra doc'h reolennoù an diorren dalc'hapl ker emañ savet get plouz pe koad. Digaset e vo an energiezh dre un dommerez koad, ha dre banelloù heol. 'benn miz Gwenoloñ e vo digoret evit mat. Serj Moelo, maer Silieg zo doc'h mikro Olivier Le Clainche a RBG.
