Lañset eo Nozvezh ar gavotenn e Poullaouen, evit an 22vet gwezh. Dec'h da noz 'oa skignet un teulfilm sevenet e 1978, ma vez heuliet Eric Marchand, kaner yaouank, 'hed hentoù kreiz Breizh, dre festoù-noz pe kejadegoù deus tud a-bep seurt. Digarez da welet kanerien a-gozh, aet pell zo, evel ar c'hoarezed Goadeg, Lomig Donnioù ha Madame Veve, pe c'hoazh Manu Kerjean hag e wreg Marie Kann. Hag ur gwir desteni deus ar mod ma troe ar festoù-noz hag ar c'han hengounel tregont vloaz zo, d'ur mare ma zo bet degaset ur bern cheñchamantoù. Michel Thomas, soner, a oa perzh er vuhez leun a virvilh-se, e fin ar bloavezhioù tri ugent, hag a oa dec'h o kontañ e eñvorennoù. Lâret 'ra deomp petra 'c'hell ur seurt film degas bremañ. Gant ///Tudual Karluer.///