Ur frekañs FM zo bet nevez digoret gant Radio Kreiz Breizh e Bro-Bempoull ! En em zifretañ a ra ar radioioù kevredigezhel vrezhonek evit brasaat o zakad skignañ. Abaoe un nebeud bloavezhioù o deus kroget e-barzh chanter an DAB+, un deknologiezh nevez a vez anvet ivez RNT, Radio Niverel Douarel. Met war un dro e vez klasket pakañ e pep lec’h ha gonit frekañsoù FM nevez. E 2021 e oa bet galvet da vont war ar renk da c’honit frekañsoù gant an ARCOM, an eks-CSA. Goude ur pezh labour e oa bet roet an tu da RKB da skignañ he frogrammoù war ar 107.5 adalek ur skingaser e Plaeraneg, e-kichen Pempoull. Displegadennoù gant Maelle Ausias, kazetennerez en ti, ha Gweltaz Heno a zo teknikour eno abaoe un nebeud mizioù.

Abaoe komañsamant ar miz e vez klevet RKB war ar 107.5 e Bro-Bempoull ha war digarez lañsañ an traoù war an ton bras e vo skipailh ar radio war-eeun eus marc’had Pempoull dimeurzh 19 a viz Meurzh etre 10e30 ha 12e30 gant abadennoù e brezhoneg hag e galleg.

Pennad-kaoz gant Tomaz Laken