Bezañ zo deus Kaledonia nevez ur vro endan ren ar Frañs, met gant ur statud ispisial. Muioc'h dishual evit douaroù tramor, gant ar gwir da votiñ lezennoù. Ouzphenn-se eo pinvidik 'walc'h, an teirvet bro eo er bed evit a sell ar produiñ nikel. Bepred eo skoet evel amañ gant an enkil, ar récession, hag e Kaledonia nevez ivez zo savet 'enep d'ar vuhez ker. Dec'h 'oa devezh kentañ grev hollek, lañset gant ar sindikadoù. War-dro da 20 000 a dud 'oa o kemer perzh hervez an aozerien, 7500 diouzh ali ar polis. Enkadenn zo met donoc'h evit se, e sav ur bern kudennoù diwar an disparti etre ar bobl a-orin deus ar vro, ar Ganaked, ha diskennidi ar goloned a-gozh. Bet eo Yann Ber Piriou o chom er vro 'pad 10 vloaz, ha dalc'het en deus ur sell a-dost warni. Un tamm skeudenn deus Kaledonia nevez gantañ 'ta. Ur pennad gant Tudual Karluer.