BIJ e Brest: hentañ ar re yaouank!
Degemer, hentañ ha skoazell ar re yaouank eo kefridi ar BIJ, Burev Kelaouiñ ar yaouankiz ‘ba Brest. War bep seurt tachenn e c’hall implijdi ar BIJ kuzuliañ ar re o deus afer kaout titouroù pe traoù all. Ha gant ar BIJ e vez aozet ur forom micherel da gas ar re yaouank da gaout ul labour e-kerzh an hañv. A-benn dimerc’her, d’an 20 a viz Meurzh, e vefont lakaet e darempred gant renerien stalioù zo. Ur burev gant kargoù a dalvoudegezh neuzen. Patricia Le Grand-Peoc’h zo kuzulierez ‘bar BIJ… Muioc’h zo da glevet ganti. Emañ gant Erwan Blanchard.
