Evit ar wezh kentañ ar bloaz-mañ o deus 5 sindikad galvet d’an harz-labour feminist e-pad an deiz peogwir o deus ar CFDT hag an UNSA roet o mouezh evit ar bloaz e-kichen reoù ar CGT, an FSU ha Solidaires.

Met un tamm mat ledanoc’h eo al luskad rakkar ur galv all zo douget gant forzh kevredigezhioù ha strolladoù. Ur galv d’an harz-labour benelour a-enep politikerezh ar gouarnamant, a-enep mennozhioù an tu-dehoù hag an tu-dehoù pellañ…

Ur pemzek manifestadeg bennaket oa lakaet en Breizh herie war digarez an 8 a viz Meurzh. E Brest, Kemper, Lannuon, Sant-Brieg, an Oriant, Gwened, Naoned pe c’hoazh Roazhon… War mare kreisteiz zo bet ur vodadeg ba Karaez ivez e-tal ti ar sindikajoù. Josette Gwegen oa deut evel kustum.

E kreiz Breizh e vo un emgav all c’hoazh hudu. Ur gerzhadeg gant goleier a vo e Rostrenn, adalek 6e… Deuit gant ho koulaouenn ! A-hend-all e vo ur gêriadenn a strolladoù feminist disadorn penn sizhun, d’ar 16 a viz Meurzh, e Karaez, plasenn ar c’hoarezed Gwadeg…

Pennad-kaoz gant Tomaz Laken