Kip ar gourenerezed 'vo disul 'ba Gras-Gwengamp!
Lakaat war wel ar sport hag ar gouren evit ar merc’hed ! Divizet ‘neunt an ezelezed eus ar bodad maouezed zo ‘ba Kevread Gouren Breizh aozañ un tournamant evit ar merc’hed. Kip ar gourenerezed e anv ! Ha kement mañ da vare gouel etrevroadel gwirioù ar maouezed zo d’an 8 a viz Meurzh. A-Benn disul ‘vo dalc’het an tournamant ‘ba Gras zo chouk da Wengamp. Eno en em gavo un hanter kant bennaket a vaouezed a bep seurt oad da geñver un darvoud ‘vo aozet evit ar wech kentañ. O kas an troc’h emañ Maïwenn Salomon eus skol Gouren Louergad-Gwengamp hag ezelez eus bodad maouezed Kevread Gouren Breizh. Merzhet ‘noa gant gourenezed all ‘oa o tigreskiñ an niver a verc’hed o kemer perzh ‘bar c’hampionadoù. Poent ‘oa dezho ober un dra bennaket evel ar pezh he 'neus displeget da Erwan Blanchard.
