Aet eo Dominig Jolived d'an Anaon....Marvet eo ar stourmer evit Breizh hag ar brezhoneg d’an oad a 60 vloaz. Brudet e oa evit bezañ bet kelenner ‘bar skolioù Diwan, evit bezañ bet krouet Sindikad labourerien Breizh, an SLB… hag evit bezañ bet harper Stad Roazhon! E-pad bloavezhioù en doa kemeret perzh er vuhez politikel e Breizh gant Emgann, ar strollad dizalc’hour eus an tu kleiz ‘oa bet etre ar bloavezhioù 80 ha 2000. Herve ar Beg ‘zo bet ur c’hamalad stourm da zDominig Jolived. Ur soñj kreñv ‘neus dalc’het eus ar Bigouter… Emañ gant Erwan Blanchard.

Il-ha-Gwilen eo an departamant diwezhañ er vro hep skolaj Diwan ebet...Daoust ma vez skolioù Diwan e Roazhon, Gwipedel, Dinan pe c'hoazh Felger. Gant al labour boulc'het er bloavezhioù diwezhañ eo deuet a-benn kuzul skoazell skolaj Diwan da gavout ul lec’h e Beuzid ar c’hoadoù, e Biz Roazhon. A-benn miz Gwengolo 2025 e vo digoret al lec'h d'ar skolajidi a vo er pempved hag e c’hwec’hved klas neuze. Selaouomp Mael Gwenneg a zo ezel deus kuzul skoazell skolaj Diwan Il ha Gwilen …

Holl reportajoù Keleier ar vro da selaou AZE

Ha da glevout ivez er c'heleier :

- Miliadoù a labourerien-douar o doa manifestet e bro Alamagn dec'h

- Hiziv e vo embannet he diviz gant al lez-varn terriñ war an afer Lafarge e Siria

- Gwarezet e vo ar c'hoadeier meur e Polonia

- Kondaonet zo bet un enebour d'ar raktres Horizon e Kallag

- Ne vo ket sterilizet ar gouelaned er Douarnenez ar bloaz-mañ

Keleier kinniget gant Metig Jakez-Vargas