Devezh stourm evit souten palestiniz Gaza e Lannuon

Manifestadeg evit an ospital d'ar sadorn, enep da lezenn an divroañ disul, ha disul c'hoazh e voe e Lannuon un devezh un tammig ispisial da souten tud Gaza. Setu voe karget implij amzer tud an tu kleiz e Lannuon e fin ar sizhun dremenet avat ! E plas manifestiñ, zo bet dalc'het un devezh sonadegoù. Dalc'het eo bet an devezh en ul lec'h dibar : tier-gwer kozh a vez meret bremañ gant ur gevredigezh anavezet A4, a ra war dro tud divroet dre al labour-douar pe an artizanelezh. Sonerezh, kaozeadennoù, standoù, ha boued, setu penaos e oa savet an devezh evit Gaza. Ar soner Gaby Kerdonkuñ an hini eo 'n eus bet ar soñj-se da gentañ...

Ur pennad-kaoz gant Tunvezh Gwlagen-Grandjean

Manifestadeg a-enep al lezenn war an divroañ

Disul a oa un devezh broadel da stourm enep al lezenn Darmanin. Al lezenn war an divroañ bet votet e miz Kerzu gant ar Parlamant a vez lavaret deusouti gant he enebourien eo un destenn gwennelour. 400 kevredigezh a c'halve da vanifestiñ dec'h, da c'houlenn ma vo tennet kuit al lezenn penn-da-benn. Miliadoù a dud a zo bet o vanifestiñ e Pariz, e Bourdel, e Lion, e Marsilha, 2000 e oant e Roazhon, 1000 en Naoned, un 200 bennak e Brest, ha 300 e Lannuon. Tunvezh Gwlagen-Grandjean a oa bet eno, e Lannuon, da c'houlenn gant ar vanifesterien ha selvij a ra c'hoazh mont da vanifestiñ, padal eo bet votet al lezenn dija. Laorañs an Intañv...

Ur pennad-kaoz gant Tunvezh Gwlagen-Grandjean

Selaouit ar reportajoù amañ

Da selaou en ouzhpenn er frapad keleier-mañ :

- Manifestadeg evit dieubiñ prizonidi bolitikel euskarad e Bilbo e Bro-Vask

- Keloù deus ar Brezel e Palestina hag er reter Kreiz

- Gwalldaol c'hwitaet ouzh Moskeen Sant Martin war ar maez

- Aet eo Dominig Jolivet d'an Anaon

- Disoc'hoù Lig 1 ha Lig 2 melldroad ar baotred

Keleier embannet gant Anton Burel