Setu un afer Fañch nevez evit kregiñ ar bloaz...E bro Anjev e oa ganet ur babig d'ar 26 a viz Gouere tremenet, anvet Fañch gant e zud. Galvet int bet bremañ, c'hwec'h miz goude ganedigezh ar poupig, dirak ar justiz evit bezañ dibabet an anv-se. Ar wech-mañ e c'houlenn ar prokulor e vefe cheñchet anv d'ar bugel zoken ha pas tennet an tilde war an N nemetken. Muioc'h a zisplegadennoù gant Charlie Grall, ezel eus Skoazell Vreizh, a ambroug ar familh.

Kenlabouret en deus Yann Varc’h Thorel gant an Embannadurioù Goater evit al levr « Bibl Unan » skrivet gant Gao Xingjian. Priz Nobel al Lennegezh a oa bet resevet gant ar skrivagner. Ur romant awenet kalz gant istorioù ar skrivagner hag e drubulhioù gant ar Strollad Komunour Sinaat eo. Lakaat a ra Gao Xingjian al lennerien da veajiñ e istor modern Sina, deus an dispac’h sevenadurel betek fin ar bloavezhioù 90…

Holl reportajoù Keleier ar vro da selaou AZE

Ha da glevout ivez er c'heleier :

- Aet eo Louis Le Pensec d'an anaon dec'h

- Gallout a raio an embregerezhioù krignat donder ar morioù Norvegian da sevel mengleuzioù

- Kresket bras eo ar feulster e bro Ekuador

- Paouez a raio Via Ocean e Konk-Kerne da besketa ton oseania

- Serret e vo eil linenn metro Roazhon e-pad 3 miz

Keleier kinniget gant Metig Jakez-Vargas