Araokadennoù al labour-douar 'ba Breizh etre 1950 ha 1980
An dispac’h teknik ‘bal labour-douar ! Sed aze tem al levr nevez embannet gant Pierrick Mellouet hag Albert Penneg. ‘Benn fin ar gont eo eil levrenn un dastumad ‘oa roet lañs dezhañ e 2021, « L’espoir des campagnes bretonnes » etre 1950 ha 1980. Kelenner war an istor-douaroniezh ‘ba skolaj Sant-Fransez ‘ba Lesneven eo Pierrick Mellouet. Troet eo war gontañ istor al labour-douar hag al labourerien-douar abaoe e brantad studier. 220 pajennad a destenioù, poltridi gant Albert Penneg, skeudennoù kozh ya d’ober eil levrenn « L’espoir des campagnes bretonnes » zo gouestlet d’ar cheñchamantoù teknik zo bet war lerc’h an eil brezel bed… Selaouomp Pierrick Mellouet diouzhtu. Emañ gant Erwan Blanchard.
