Skoet he doa ar gorventenn Ciaran Penn-ar-Bed d'an 2 a viz Du tremenet. Un drast eo bet evit Jennifer Skouarneg hag he gwaz anezhe produerien chistr ar stal Rozavern e Terrug. 5000 litrad chug avaloù a zo bet kollet gante. ha dresit-holl, 400 gwezenn avaloù a zo bet diskaret pe diwrijennet gant an avel war o gwerjezoù. O paouez echuiñ e oa ar prantad dastum avaloù setu n'emañ ket an embregerezh familh en arvar met bloavezhioù a labour a zo aet da goll. Selaouomp anezhi diouzhtu.

Setu klevet ho peus Jennifer Skouarneg, produerez sistr e Terrug. Evit sikour sistrerezh Rozavern e c'hellit prenañ ur wezenn avaloù da 50€ digant magerezh gwez Contact Vert, a zo e Terrug ivez ha reiñ anv a blijo deoc'h d'ar wezenn-se. Profet e vo ar gwez avaloù-se d'ar sistrerezh da c'houde ha plantet e vint en ur werjez nevez, gwerjez ar c'hengred, en nevez-hañv 2025 pe 2026 ! Emañ an holl ditouroù war lec'hienn internet sistrerezh Rozavern.

Un atersadenn gant Metig Jakez-Vargas