Emvod Kelaouiñ KSB diwar-benn an emglev Stad Rannvro

Kuzul sevenadurel Breizh en deus graet un emvod kelaouiñ dimerc’her tremenet e Kuzul Rannvro Breizh, un darvoud ispisial eo peogwir n’eo ket kustum KSB komz gant ar mediaioù, ober a ra ar c’huzul alioù ha kinnigoù d’ar c’huzul rannvro ha da zilennidi ar rannvro da zibab. Padal eo nec’het bras ar c’huzul sevenadurel. Bloaz hanter goude m’eo bet sinet an emglev stad rannvro n’eo ket aet war raok tamm ebet pe vije war dachenn an deskadurezh, ar banellerezh, ar c’hoariva ar sport pe ar mediaioù. Pal kentañ an emglev stad rannvro a zo tizhout tregont mil bugel skoliataet en un hentad divyezhek pe dre soubidigezh koulskoude e chom stabil an niver a vugale, tro 19000 bugel an distro skol-mañ. Bep rouedad o deus e gudenn dezho hervez Yves-Marie Derbré-Salaün ezel deus komision yezhoù Breizh ar c’huzul sevenadurel. 

Ur pennad-kaoz gant Anton Burel

Livadurioù an tu-dehou pellañ a zo bet livet ouzh burevioù SKG e Brest

Muioc'h mui a skritelloù hag a livadurioù faskour hag eus an tu dehoù pellañ, e brezhoneg hag e galleg, a vez gwelet e Breizh hag e Penn-ar-Bed. Disadorn da noz e oa bet livet luganioù hag arouezioù deus an tu-dehoù pellañ ha faskour breizhat war burevioù ar Strollad komunour gall e Brest. Taran Marec, dilennad komunour e kêr Brest, en doa embannet ar c'heloù war ar rouedad sokial X.

Holl reportajoù Keleier ar vro da selaou AZE.

Ha da glevout ivez er c'heleier :

- Ar Brezel etre al luskad palestinad ha Stad Israel

- Un emglev a zo bet kavet evit saveteiñ Ospital Karaez

- Gouel al levrioù e Breizh, ar saloñs e Karaez a vo an dibenn sizhun-mañ

- Skipailhoù breizhad e Lig 1 & Lig 2 melldroad ar baotred an dibenn-sizhun-mañ.

Keleier embannet gant Anton Burel