E New-York ar bloavezh 1978 e klever a bep seurt doareoù sonerezh ; bemnoz e tigor kleuboù noz nevez a ginnig sonerezh disco dindan ar mirror balls. Er Bronx hag er Queens e tregern ar beats hip hop kentañ hag en Tribeca pe Soho, karterioù « in » an intelektualed, e weler un nebeut tud yaouank a fell dezho flastrañ ar pezh a chom eus ar rock. Rivinet eo New-York, ha karterioù evel al lower East Side pe an East Village a zo heñvel ouzh ul lec’h a vefe bet bombezennet, gant savadurioù dirapar ha straedoù lous. Sachañ a ra ar c’harter ar skwaters hag ar junkies met ivez ar vuzisianed abalamour d’ar feurmoù ranndioù izel. Ar sonerien-se a sav neuze ul luskad ne anavez nag ar punk nag an new wave o tiwanañ, ar sonerezhioù-se zo re flour d’o soñj. Setu-ni, e Larsen ha Mediator, e kompagnunezh sonerien ha sonerezed dibleg en o dibaboù arzel, deomp da bourmen e metoù an No Wave !

Playlist :

- Bernard Herrmann : Thank god for the rain (Taxi Driver ‘s soundtrack)

- Mars : Helen Forsdale

- Teenage Jesus and The Jerks : Orphans (fons son)

- Teenage Jesus and The Jerks : The Closet

- James Chance and The Contorsions : Dish it out

- The Lounge Lizards : Incident on South street

- James Chance and The Contorsions : Designed to kill

- Suicide : Frankie teardrop

Levrlennadur :

- New Wave : du post punk à la new pop - Dominique Dupuis – Embannadurioù Stéphane Bachès

- Rip it up and start again, post-punk 1978-1984 - Simon Reynolds – Embannadurioù Allia

- Respect, le rock au féminin - Steven Jezo-Vannier – Embannadurioù Le mot et le reste