Dec'h e oa bet niverus ar Vretoned o rentiñ enor da Zominique Bernard, kelenner galleg bet drouklazhet gant ur sponter e-tal ul lise en Arras digwener. Tri bloaz war-lerc'h ma vije bet drouklazhet ar c'helenner Samuel Paty eo bet skodeget an dud adarre o welet e c'halle un den bezañ lazhet war zigarez e oa war ar vicher kelenner. E Rostrenn, e lec'h ma oa en em dastumet un nebeud degadoù a dud dec'h war mare kreisteiz, he doa Sandra Chalancon, skolaerez e Rostrenn roet he santimant. Hag adalek Landerne e vo klevet santimant Herri Morvan, bet kelenner e lise an Elorn.

Bloaz zo e oa bet roet lañs d’ur bodad labour e kuzul-rannvro Breizh evit mont war raok war dachenn emrenerezh Breizh. Savet e oa bet da heul ar mennad evit an emrenerezh bet votet a-unvouezh, war-bouez an tu dehou pellañ. E-pad triwec’h miz o deus labouret kuzulierien rannvro Breizh da sevel un teuliad, pemp pajenn a tregont ennañ, da glask hentoù da vont war zu an emrenerezh, d'en em soñjal war ar barregezhioù a vefe mat kaout war dachenn an diorren ekonomikel, ar sevenadur, an ekologiezh, an trañsportoù hag ar politikerezhioù yezh. Kaset eo bet d’ar c'hentañ ministrez Elizabeth Borne ha kaozeadennoù oa bet dimerc’her tremenet da vare dalc’h kuzul rannvro Breizh. Anna Sohier, koñsailherez-rannvro eus an tu kleiz emrenour, perzh er strollad "Breizh a-gleiz" a gont hiroc'h deomp.

Holl reportajoù Keleier ar vro da selaou AZE.

Ha da glevout ivez er c'heleier :

- Gwashoc'h-gwashañ ar jeu e Gaza

- Frañs : un arete skarzhañ a-enep ur stourmerez palestinian

- Ur rekour dirak ar C'huzul-Stad diwar ar fed difenn ar manifestadegoù a-du gant ar Balestinianed

- Gras : gallout a rafe an embregerezh Chéritel bezañ divodet

- Diskrog-labour ha bodadegoù evit ar yec'hed en Aodoù-an-Arvor herie

Keleier ar vro lavaret gant Tomaz Laken