Abaoe 1997 ez eus deus an MAEC e Frañs. Ar Mesures Agroenvironnementales et Climatiques e galleg ! Met petra eo ar MAEC 'ta ? Ur skodenn paeet d’ar beizanted a laka e plas muzulioù evit gwellaat stad ar gwez, an dour pe an douar war o zier feurm. A-raok e veze meret ar skodenn-mañ gant ar Rannvroioù ha lakaet e veze ar beizanted da sinan ur c’hontrad war 5 bloaz. Ar bloaz-mañ eo d’ar Stad d’ober war dro d’ar skodenn-mañ hag o paouez diskleriañ emañ-hi e vanka dezhi un drederenn deus an arc’hant dleet da beizanted Breizh. Evit ar beure e oa arruet e-tro kant hanter kant trakteur dirak prefetioù Breizh, da chom a-hed an deiz, evit diskouez splann int prest da stourm a-benn kaout an arc’hant-se. Ar sindikad Confédération Paysanne asambles gant kevredigezhioù all a soursia ouzh al labour-douar biologel a oa e Sant-Brieg. Serge Lanneshoa a lâr deomp da gentañ perak ez eo dedennus an MAE. Pennadoù-kaoz ivez gant Goulven Troadeg, menajer e Plounevez-Moedeg, ha Kristen Bodros, menajer e Landebaeron.

Pennad-kaoz gant Maëlle Ausias