Diriaou en Oriant oa trivet emvod ar jeografourion e Breizh. Ha lakaet eo bet ar gaoz àr problem an digempouez etre ar lec'hioù, dreist-holl ha p'emañ ar gouarnamant é labourat àr ar metropolisation en arbenn ag ar lezenn àr an digreizenniñ. D'eus ket pell 'zo e oa bet embannet ne vo ket lakaet bro Brest da Gêr-veur èl ma vo Naned pe Roazhon. Hrevez ar jeografourion n'eo ket ar metropolisation un dra reizh ha talvoudus evit Breizh. Kement-mañ evit ma chomay bev ar rouedad kêrioù etre zo unan a berzhioù dibar ar vro. Pierre-Yves ar Rhun a zo jeograf, lâret neus hiroc'h da Yaëlle ar Mouel.