Diaesoc'h diaesañ eo d'ar c'hevredigezhioù sikour an dud paour
Un nebeud sizhunvezhioù zo e oa bet lañset ur galv gant ar Restos du Coeur. Re nebeud a roadennoù a resevont pa vez muioc'h muioc'h mui a dud o vont da glask sikour gant ar c'hevredigezhioù evit gallout debriñ. 7 milion a bredoù a vo servijet e rannvro Breizh ar bloaz-mañ, da lâret eo ur milion ouzhpenn eget warlene. Kresk prizioù ar boued hag an energiezh a zo penn abeg met ivez enkadenn ar c'hovid. Muioc'h mui a labourerien baour a zeu da c'houlenn sikour, a vammoù a zesav o bugale o unan hag ivez a zud yaouank. E Aodoù-an-Arvor eo kresket eus 30% betek 50% an niver a dud a c'houlenn sikour digant ar Sikour Popl, hervez ar c'homiteoù lec'hel. Selaouomp Yves Jardin, ezel eus Sikour Pobl Douarnenez. Aterset e oa bet gant Metig Jakez-Vargas.
