Chik ha brav eo Chapel Tuchenn Mikael en dro ! Tost disoc’h eo al labourioù zo kaset ‘baoe ur bloaz ‘vit kempenn ‘nezhi! Roet ‘oa bet lañs dezho a da heul an tan ‘noa redet ‘ba Menez Are e-kerzh an hañv tremenet. Tost ‘oa en em gavet an tan eus ar chapelig met ‘noa ket peget er savadur relijiel zo unan eus arouezioù Menez Are. Kaset zo bet ul labour kempenn ha reneveziñ ouzhpenn ar pezh ‘oa bet raktreset gant Kuzul Departamant Penn-ar-Bed zo perc’henn war ar chapel... da laret eo adober an doenn… Gant sikour arc’hant François Pinault eo bet lakaet a nevez ar mogerioù ha diabarzh ar Chapel zo war barrez Brasparzh. En holl eo 650 000 euro zo bet postet ‘bal labourioù ha 500 000 anezho zo bet gant ar miliarder breizhat… Deomp d’ober un tro gant Charlez an Dreo, bet eil maer Brasparzh, da weladenniñ ar savadurig… Emañ gant Erwan Blanchard.