Un tamm sell war ar SPACE gant Malo Boussel-Dubourg eus Produet e Breizh

Saloñs etrebroadel ar sevel chatal, da lâret eo ar SPACE zo bet dalc’het ar sizhun tremenet e Park an diskouezadegoù e Sant Jakez al Lann. Du-se eo bet kinniget ar chatal gwellañ, an dafar modernañ, an tiez Bank, an doareoù nevez da vagañ, met ivez prezegennoù war dazont al labour douar. Dek mil ha pevar ugent den zo deuet da emgav bras ar boued ha bevañs deus Breizh hag ar Bed a-bezh. daouzek mil den zo deuet deus kant daou vro warn ugent. Un emgav a-bouez eo evit tout oberourien chadenn an agroboued e Breizh en o mesk Produet e Breizh. Aozet on deus ar rouedad un emgav ‘vel bep bloaz diwar-benn sujedoù pennañ al labour douar ‘sambles gant Agriculteur de Bretagne ha gant ABEA Association des entreprises agroalimentaires de Bretagne. Malo Bouessel Du Bourg, rener Produet e Breizh, a oa war al lec’h, kontañ a ra deomp e soñjoù war ar SPACE … Emañ gant Anton Burel.

Lidet 'vo 25 bloaz Arvorig FM e-kerzh an dibenn sizhun mañ

25 bloaz eo Arvorig FM e 2023 ! Ar radio ‘zo e lugan Mouezh Bro Leon ‘neus komanset da embann abadennoù e brezhoneg gant tud a youl vat a felle dezho reiñ da selaou programmoù hollvrezhoneg… Memes bloavezh ‘oa bet kroet Radio Kerne ivez. Araok 1998 ‘oa radioioù divyezhek hepken : RKB, RBG hag RBI. ... Fest noz ‘vo disadorn ‘vit lidañ deiz ha bloaz Arvorig FM ‘ba Loperc’hed ‘ba Sal an Trimaran. Gallout a raio an nen mont da dansal war sonerezh strolladoù Forzh Penaos, MP6, Re an Are pe c’hoazh Le Goffic Poho … Deomp da selaou daou eus ar re ‘neunt ijinet ha kaset al labour da grouiñ Arvorig FM: Gireg Konan ha Ronan an Hirrien ouzh mikro Tomaz Laken hag Erwan Blanchard.

Ar reportajoù zo da selaou amañ

Kinniget eo an abadenn gant Erwan Blanchard