Digor eo ar C'honk Créative e Konk-Kerne abaoe miz Meurzh. Ouzhpenn ul lec'h kafeta ma vez servijet produoù bio ha lec'hel eo. Pep hini a c'hell feurmiñ ur burev evit un eurvezh, un devezh pe muioc'h c'hoazh evit labourat er sal coworking, pe c'hoazh feurmiñ ur sal emvodoù. Ha troet war an arzoù eo al lec'h dreist-holl. Atalieroù arzel a bep seurt ha digor d'an holl a vez kinniget er Konk Créative bep sizhun, ha lakaet e vez war-wel oberennoù arzourien hag arzourezed bro Konk-Kerne. Nolwenn Ilias he deus kemeret perzh e unan eus an atalieroù-se gant he mab. Kinnig a ra al lec'h deomp.

Nolwenn Ilias a oa ouzh Mikro Metig Jakez-Vargas. Ouzhpenn 50 den a zo ezel deus kooperativ ar C'honk Creative, ha dek anezhe a zo arzourien pe arzourezed. Hiziv e vez kinniget mern-vihan evit ar begoù lipous da 3e30, ha fenoz e vo ur sonadeg eno gant ar strollad Fantasy Orchestra. Ha d'an 2 a viz Gwengolo e kinnigo ar C'honk Créative ur marc'had artizaned hag artizanezed.