Lakaat bed ar marc'h àr-wel.
Setu ar pezh vo graet a-hed ar sezon-mañ e Greaouj Stad an Henbont. Arvestoù braz e vo da welet get meur a gompanunezh hag arzourion anavet e bed an arz get ar c'hezeg èl Jean-Marc Imbert a ray un arvest noz 'benn miz eost. Mes animationoù a-bep seurt vo keunniget iwez adal àrc'hoazh betag miz Kalañv-Gouiañv. Ar blez-mañ eo bet chwajet diskweiñ ar labour vez graet bemdez eno get ar skipailhad tro dro d'ar c'hezeg. Gwenegan Caouissin a zo é labourat e mirdi ar Greoù stad. Lâret a ra deomp hiroc'h.
