Stanket eo Valorys bepred
E Bro-Dreger eo kloz al lastezerezhioù ha ne vez ket serret ar poubellennoù ken... Arri eo stenn ar jeu ba'r greizenn dibab al loustoni e Plûned, etre Lannuon ha Gwengamp. Ken e krog an dilennidi da vezañ lakaet diaes bras...
Seziset eo bet lez-varn velestradurel Roazhon gant renerien Valorys diwar-goust ar sindikadoù a zo o stankañ antre an uzin abaoe penn kentañ ar sizhun. Ma 'h a al lez-varn a-du gant renerezh al labouradeg dilun e vo ret d'ar sindikalourien ha d'ar vanifesterien mont kuit ac'hane dindan div eurvezh. Ma ne reont ket e vo lakaet 100 euro a dell-gastiz war chouk pep hini anezhe bemdez ken ec'h aio kuit an dud...
Ur reportaj gant Tomaz Laken
