Manifestadegoù a-enep adreizh sistem al leveoù : n’eo ket manifestourien zo evit lonkañ prezegenn Macron

N'eo ket disoc'h gant ar stourm a enep adreizh sistem al leveoù. Dec'h 'oa leun ar straedoù 'ba Frañs ha 'ba Breizh! Hervez ar sindikadoù eo 3,5 milion a dud 'oa dec'h o tibuniñ kement ha d'ar 7 a viz Meurzh tremenet. Hervez minister an diabarzh 'vefe bet un tammig muioc'h 'vit ur million a vanifesterien hepken. Ur bouchad tud neuzen an deiz war lerc'h ar brezegenn graet gant Emmanuel Macron war TF1 ha France 2… Violaine ha Youn daou, den gopret gant ar SMIC 'zo bet feuket gant komzioù prezidant Republik Bro-C'hall. Embannet 'noa dimerc'her n'eo ket bet ken uhel galloud prenañ an dud paeet gant ar SMIC 'vel bremañ…Ar pezh ne gavont ket reizh ha direizhoc’h c’hoazh ar fed bout implihet ar ger smicard evit komz diwar o fenn… Ur reportaj ‘ba Brest gant Erwan Blanchard.

Fuloret eo skolioù divyezhek bro Gerne

Kerent gant o bugale ha skolaerien eus skolioù divyezhek puplik Douarnenez, Ploveur, Pleiben, Ploveilh, Brieg ha 2 skol divyezhek eus Kemper a oa en em vodet dirak ensellerezh akademikel Penn-ar-bed e Kemper ar mintin-mañ. Goulenn a raent groñs bezañ resevet gant pennoù-bras an Ensellerezh a-benn kavout un diskoulm d'ar vank erlec'hierien divyezhek er skolioù. Ur reportaj gant Metig Jakez-Vargas.

Sintezenn danevelloù ar Giec displeget gant Anna-Vari Treger

E penn kentañ ar sizhun eo bet embannet gant ar Giec (Strollad arbennigourien war ar mod ya war cheñch an hin) sintezenn an ter danevell diwezhañ bet savet ganto. Ur benveg da vezañ implijet gant ar re zo e karg da divizout ar politikerezh 'zo da gas evit klask talañ ouzh tommadur an hin da skouer. Gant Erwan Blanchard emañ.

Ar reportajoù zo da selaou amañ

Kinniget eo an abadenn gant Erwan Blanchard