Kerent gant o bugale ha skolaerien eus skolioù divyezhek puplik Douarnenez, Ploveur, Pleiben, Ploveilh, Brieg hag eus 2 skol divyezhek eus Kemper a oa en em vodet dirak ensellerezh akademikel Penn-ar-bed e Kemper ar mintin-mañ.

Goulenn a raent groñs bezañ resevet gant pennoù-bras an Ensellerezh a-benn kavout un diskoulm d'ar vank erlec'hierien divyezhek er skolioù. E Douarnenez n'eo ket bet erlec'hiet skolaerez klasad ar re CM1 ha CM2 e-pad daou viz. Pa ne oa den evit ober skol d'ar vugale o deus ranket chom er ger, pe bezañ dasparzhet e klasoù all. Arnaud Goaper, ezel deus kuzul-merañ Divyezh Breizh, a zispleg deomp hiroc'h.

'Benn fin ar gont e oa bet resevet un den deus pep skol gant Lydie BOURGET, eilrenerez servijoù an deskadurezh stad e Penn-ar-Bed ha Guiseppe Innocenti, eilrener en karg deus ar c'hentañ derez e Penn-ar-Bed. N'eus ket bet kavet diskoulm ebet evit echuiñ ar bloavezh-skol siwazh.

Ur reportaj gant Metig Jakez-Vargas