Sinet eo bet live 2 ar garta Ya d'ar Brezhoneg gant Kumuniezh kumunioù Gorre ar Vro Vigoudenn
Diriaou tremenet e oa bet sinet e Pouldreuzig eil live ar garta d'ar brezhoneg gant kumuniezh kumunioù Gorre ar vro Vigoudenn, a vod dek parrez. 17 ober a zo bet dibabet gant ar strollegezh ha pemp dioute a zo bet tizhet dija. Pouezañ a raio ar garta war ar banellerezh divyezhek ha dreist-holl war an deskadurezh, 'vel ma tispleg Alwena Lancien, kargadez diorren e Ofis Publik ar Brezhoneg ha Dominig Andro, maer Plovan.
Gant ar garta e ranko 40% deus skolioù ar c'humuniezh kumunioù kinnig un hentenn divyezhek. Tri bloaz a zo gant ar strollegezh evit tizhout palioù ar garta.
Ur reportaj gant Metig Jakez-Vargas
