Ur lizher-digor oe kaset da Lysiane Metayer, kannadez Mor-bihan diàr-benn enkadenn ar lojeiz. Savet eo bet ar lizher gant ar strollad TUT ! « Tous et toutes un toit à Lorient/ Un doenn evit an holl en Oriant ». Ar strollad a stourma enep enkadenn ar lojeiz e Bro an Oriant.

Goulenn a reont get Lysiane Metayer un emgav geti evit eskemm àr al lojeiz ha diàr-benn, ivez, ar lezenn Kasbarian-Berger. Pal ar c’hinnig lezenn zo pouneraat ar c’hastizoù enep ar re ne c’hall ket paeañ ur feurm pe a re a zo en ur ranndi pe un ti evit abegoù politikel ivez. 

Direizh eo ar muzul-se evit ar strollad TUT ha n’eus ket afer ag ur muzul èl-se kar bihan eo ar gudenn e-keñver an diesamentoù da gavout ur lojeiz e Bro Frañs. Hervez bilañs ar blez 2021 oe douget 124 a glemmoù get pec’hened’zo enep ur lojeiz okupet e Bro C’hall a-bezh hepken… 

Selaomp Maï, ezelez ar strollad TUT. Un atersadenn gant Yuna Kojan.

Lysiane Metayer neus respontet he deus resevet ar lizher-se hag e vo savet un eskemm a-benn nebeut get ar strollad… Hervez titouroù an Telegram.

Savet eo bet ur sinadeg get ar strollad TUT evit ma vehe savet ur gwir stourm enep enkadenn ar lojeiz… Gallout a rit kavout anezhi àr e bajenn facebook.