Stanket eo bet bro Brest dec'h

Hiziv e vo votet danvez-lezenn adreizh al leveoù er parlamant, da 3e goude mern. Hag an 8vet devezh stourm a-enep raktres adreizh al leveoù e oa dec'h, tost 100 000 a dud a oa bet o vanifestiñ e Breizh ha stanket oa bet kroaz-hent ar Broustic 'ba Landerne gant un tregont bennaket a dud  da skouer. 'Vit goût hiroc'h war an obererezh se, selaouomp Herve bet  aterset gant Erwan Blanchard.

Cheñch ar mod d'en em vagañ e Bro Douarnenez

Emañ kumuniezh kumunioù Douarnenez o lakaat e plas ur steuñv evit magañ an dud gant boued produet er vro. Goude bezañ studiet boazioù beveziñ tud ar vro hag ar produiñ boued war an tiriad e-pad daou vloavezh zo bet graet 30 kinnig gant ar strollegezh. Gant ar pal « adlec'helaat » ar beveziñ ha mont war-zu un treuzkemm ekologel eus ar produadur boued lec'hel. Katell Chantreau, eil-prezidantez e Douarnenez Kumuniezh en karg deus an treuzkemm ekologel, a gont deomp hiroc'h war ar raktres bras-se. ouzh mikro Metig Jakez-vargas e oa.

Reportajoù Keleier ar vro a c'hellit adkavout amañ.

Ha da glevout ouzhpenn er c'heleier : 

- Kenderc'hel a ra enebourien kraou-morc'h ramzel Avel-Vor e Landunvez da blediñ dirak ar justiz

- Savet zo bec'h gant Bagad Brieg 'blam da gunujennoù seksist

- Joe Biden en deus aotreet toullañ puñsioù petrol war douaroù ar Stad en Alaska

- Fellout a ra da Elon Musk krouiñ ur gêr nevez e Texas

- Ur stourmerez Polonad evit ar gwir da zifoc'hañ a zo bet kondaonet

- Sonia Haziraj, eus ar Morbihan, a zo war ar renk evit erlec'hiañ Corine Diacre e penn skipailh melldroad Frañs ar plac'hed