Gourdrouz lazhañ pennredaktour ar Poher Hebdo
Gourdrouzet zo bet lazhañ pennredaktour ar Poher Hebdo div wech dindan eizhtez. Bizet eo ar c'hazetenner Erwan Chartier gant an tu dehoù pellañ. Gourdrouzoù liv ar ouennelouriezh warne oa bet kaset dezhañ dre bostel da zigentañ ha reoù all dre bellgomz nevez zo. Savet zo klemm gant tud kazetenn sizhuniek Kreiz Breizh. E-skeud ober o labour kazetenniñ diwar-benn ar bec'h war-dro d'ar projed Horizon ba Kallag, ur raktres da zegemer meur a familh repuidi ba'r bourk, e oant bet taget dija, a zispleg Erwan Chartier deomp...
